Makedeng-kedengan Ngad
Kadék Suci ngajak Kadék Sridadi matimpal uli cerik. Bareng-bareng masekolah uli SD kanti SMP di Désa Kuncara Giri. Disubané pada tamat SMP, Kadék Suci tusing nugtugang masekolah ka kota.
Ia masih tusing milu-milu tuung ngalih gaé ka kota. Kanggoanga ia mautsaha di désa. Ia jemet pesan nulungin méméné ngaé dagangan sambilanga ngubuh kucit ulian ngadas. Kéto masi Kadék Sridadi. Disubané tamat SMP, tuara nugtugang masekolah. Tetep di désa nulungin bapané magaé ka uma sambilanga ngubuh sampi akit ulian ngadas.
Ulian ngoyong adésa, Kadék Suci lan Kadék Sridadi pepes matemu. Disubané pada menék kelih, kaliput baan Sanghyang Semara, ia mademenan. Demen ulian pada tresna, pada ngelah rasa. Sikuté mula patut ulian pada bajang. Mirib ulian ngelah nasib mirip, ngranaang ia nyansan rumaket mademenan. Lantas, nglantur masamaya nyalanang Grahasta Asrama.
Sasukat Kadék Suci juanga tekén Kadék Sridadi, pepes pesan I Wayan Oyé malali ka umahné. Anggona santep nglalinin ulian ia maipah. Wayan Oyé nu teruna. “Mé, tiang lakar nginep sik ipahé. Pang ada ajaka mapegadangan,” buka kéto ia matari ajak méméné.
“Da ja nginep, Yan! Buin mani lakar ajaka nulungin mamula ka uma,” méméné miteketin Wayan Oyé.
“Lek atiné bes besenanga tundéna nginepin tekén I Kadék. Bapané nyangetang oon. Mani semeng tiang mulih,” Wayan Oyé nyautin piteket méméné. Ia lantas magedi sambil nadtad tuak ajérégan anggona bekel magebangan. Wayan Oyé mula teruna cager di kulawargané. Ia sayang pesan tekén kulawargané. Sayang tekén adiné yadiastun suba ngantén. Manyama ajaka lima, ia ngelah nyama luh tuah adiri, Kadék Suci.
Ulian pepes nglalinin, ia wawuh ajak kulawarga ipahné. Kadék Sridadi manyama ajak telung diri. Ia ngelah mbok lan adi muani. Luh Sri, mbokné dadiné kalangkahin ngantén sawiréh yusané marasa suba kelih.
Ulian sai matemu, ditu lantas ia kaliputan. Apabuin ri kala ngnep. Gumi peteng angsengané lén ajak lemah. Putih lan selem pada saru. Tuara buin ngitungang panglogika. Rasa ané ngliputin raga. Tresnané mawirasa ulian sai matemu. Yadiastun yusané Luh Sri joh kelihan, Wayan Oyé tuara ngitungang.
“Yan, tiang suba telung minggu kondén mén,” buka kéto Luh Sri makisi-kisi petengé ento ri kala pules bareng-bareng.
Wayan Oyé among masaut, “Nah.” Ia lantas groh-groh aris pulesné. Ia seken madingehang pasaduné Luh Sri, apaké asal masaut? Makejang saru gremeng ulian kaliput rasa.
Telung bulan suba sukat Luh Sri masadu, awakné nyansan ngamokohang. Ada rasa malénan di awakné. Sakéwala Wayan Oyé tuara taén rungu. Ingetné, ia teka sanja wiadin peteng mainepan, semengné mabalik mulih. Méméné Luh Sri sangsaya tekén pianakné.
“Luh ngudiang makelo rasana tusing taén nyambatang tuara dadi?” buka kéto patakon méméné Luh Sri ri kala ajaka mapunpun di paon.
“Nggih, Mé. Suba telung bulan tiang kondén mén.”
“Luh ngelah demenan? Taén Luh ngajak anak muani sirep?” Méméné netes Luh Sri ulian parikedeh tekén kahanan pianakné.
“Ngelah, Mé. I Wayan Oyé ngorahang demen ajak tiang. Ia taén ngajak tiang pules padaduanan cara makurenan dugas suung jumah,” Luh Sri jujur nyautin patakon méméné.
Ningeh pasaut pianakné buka kéto, méméné makesiab. Muané masemu barak. Sotaning dadi anak tua, ia séngeh tekén apa ané alamina tekén Luh Sri. Ia tuara lakar simuh yéning ané ngardi belingan pianakné lénan tekén I Wayan Oyé. Unduké malénan. Pianakné suba seken ngaku maan ajaka pules teken I Wayan Oyé, belin mantuné. Yéning Luh Sri ngantén ajak I Wayan Oyé, né madan makedeng-kedengan ngad. Unduké buka kéné madan masalah. Tuara kadadiang. Piteket turun-tumurun ané tuara ada bani nyalanin. Simuh keneh méméné. Kalud ngelah kurenan tuara dadi ajaka maitungan. Tuah I Kadék Sridadi ané dadi ajaka maitungan.
Dina peteng nemu Saniscara cara jani, I Wayan Oyé teka mlali misi natad tuak ajérégan. Ia lantas matuakan padadunan ajak ipahné di ambén umahné. Lengut ortané ajaka dadua. Luh Sri ajak méméné bareng negak sambilanga nyait kulit canang. Ditu lantas Kadék Sridadi nuturang paundukan mbokné.
“Yan, mbok tiangé ngaku suba telu bulan tuara mén. Koné Wayan ngajak pules. Jani tiang ngidih tanggung jawab Wayanné. Juang mbok tiangé apang kulawargan tiangé tusing jengah,” kéto pangidihné Kadék Sridadi ajak ipahné. Ia lantas nyiup tuak agelas matimpal kacang goréng. Méméné bareng nugesang pangidih pianakné apang seken-seken I Wayan Oyé nanggungjawabang pagaéné ajak Luh Sri.
Ningeh munyi buka kéto, Wayan Oyé masaut énténg, “Gampang to, Dék. Tiang pasti bertanggung jawab.”
“Yén kéto, mani mulih maitungan ajak reramané. Alihang déwasa lakar nyuang!” méméné Luh Sri milu nimpalin.
Luh Sri mendep dogén. Sakéwala muané masemu sumringah ningeh pasaut I Wayan Oyé buka kéto.
***
“Bapa, Mé, tiang lakar ngantén. Alihang tiang déwasa,” kéto pangidihné I Wayan Oyé ajak reramané.
Ningeh munyi buka kéto, reramané pada girang. Suba uli makélo ngastiti apang pianakné ané muani énggal ngantén, apang énggal ngelah cucu arep.
“Nyén adan demenan Wayanné?” bapané matakon.
“Luh Sri, Pa,” bawak tur dangan pasautné I Wayan Oyé.
“Luh Sri ipahé?” méméné nyekenang.
“Nggih, Mé,” Wayan Oyé masaut lantas nguntul di arep mémé bapané.
Ningeh pasaut buka kéto, muan bapané barak biing. Bibihné makiret, tusing sida mamunyi nang abuku. Méméné ané ladné girang, nylémpoh tan pararapan. 7
Ulian ngoyong adésa, Kadék Suci lan Kadék Sridadi pepes matemu. Disubané pada menék kelih, kaliput baan Sanghyang Semara, ia mademenan. Demen ulian pada tresna, pada ngelah rasa. Sikuté mula patut ulian pada bajang. Mirib ulian ngelah nasib mirip, ngranaang ia nyansan rumaket mademenan. Lantas, nglantur masamaya nyalanang Grahasta Asrama.
Sasukat Kadék Suci juanga tekén Kadék Sridadi, pepes pesan I Wayan Oyé malali ka umahné. Anggona santep nglalinin ulian ia maipah. Wayan Oyé nu teruna. “Mé, tiang lakar nginep sik ipahé. Pang ada ajaka mapegadangan,” buka kéto ia matari ajak méméné.
“Da ja nginep, Yan! Buin mani lakar ajaka nulungin mamula ka uma,” méméné miteketin Wayan Oyé.
“Lek atiné bes besenanga tundéna nginepin tekén I Kadék. Bapané nyangetang oon. Mani semeng tiang mulih,” Wayan Oyé nyautin piteket méméné. Ia lantas magedi sambil nadtad tuak ajérégan anggona bekel magebangan. Wayan Oyé mula teruna cager di kulawargané. Ia sayang pesan tekén kulawargané. Sayang tekén adiné yadiastun suba ngantén. Manyama ajaka lima, ia ngelah nyama luh tuah adiri, Kadék Suci.
Ulian pepes nglalinin, ia wawuh ajak kulawarga ipahné. Kadék Sridadi manyama ajak telung diri. Ia ngelah mbok lan adi muani. Luh Sri, mbokné dadiné kalangkahin ngantén sawiréh yusané marasa suba kelih.
Ulian sai matemu, ditu lantas ia kaliputan. Apabuin ri kala ngnep. Gumi peteng angsengané lén ajak lemah. Putih lan selem pada saru. Tuara buin ngitungang panglogika. Rasa ané ngliputin raga. Tresnané mawirasa ulian sai matemu. Yadiastun yusané Luh Sri joh kelihan, Wayan Oyé tuara ngitungang.
“Yan, tiang suba telung minggu kondén mén,” buka kéto Luh Sri makisi-kisi petengé ento ri kala pules bareng-bareng.
Wayan Oyé among masaut, “Nah.” Ia lantas groh-groh aris pulesné. Ia seken madingehang pasaduné Luh Sri, apaké asal masaut? Makejang saru gremeng ulian kaliput rasa.
Telung bulan suba sukat Luh Sri masadu, awakné nyansan ngamokohang. Ada rasa malénan di awakné. Sakéwala Wayan Oyé tuara taén rungu. Ingetné, ia teka sanja wiadin peteng mainepan, semengné mabalik mulih. Méméné Luh Sri sangsaya tekén pianakné.
“Luh ngudiang makelo rasana tusing taén nyambatang tuara dadi?” buka kéto patakon méméné Luh Sri ri kala ajaka mapunpun di paon.
“Nggih, Mé. Suba telung bulan tiang kondén mén.”
“Luh ngelah demenan? Taén Luh ngajak anak muani sirep?” Méméné netes Luh Sri ulian parikedeh tekén kahanan pianakné.
“Ngelah, Mé. I Wayan Oyé ngorahang demen ajak tiang. Ia taén ngajak tiang pules padaduanan cara makurenan dugas suung jumah,” Luh Sri jujur nyautin patakon méméné.
Ningeh pasaut pianakné buka kéto, méméné makesiab. Muané masemu barak. Sotaning dadi anak tua, ia séngeh tekén apa ané alamina tekén Luh Sri. Ia tuara lakar simuh yéning ané ngardi belingan pianakné lénan tekén I Wayan Oyé. Unduké malénan. Pianakné suba seken ngaku maan ajaka pules teken I Wayan Oyé, belin mantuné. Yéning Luh Sri ngantén ajak I Wayan Oyé, né madan makedeng-kedengan ngad. Unduké buka kéné madan masalah. Tuara kadadiang. Piteket turun-tumurun ané tuara ada bani nyalanin. Simuh keneh méméné. Kalud ngelah kurenan tuara dadi ajaka maitungan. Tuah I Kadék Sridadi ané dadi ajaka maitungan.
Dina peteng nemu Saniscara cara jani, I Wayan Oyé teka mlali misi natad tuak ajérégan. Ia lantas matuakan padadunan ajak ipahné di ambén umahné. Lengut ortané ajaka dadua. Luh Sri ajak méméné bareng negak sambilanga nyait kulit canang. Ditu lantas Kadék Sridadi nuturang paundukan mbokné.
“Yan, mbok tiangé ngaku suba telu bulan tuara mén. Koné Wayan ngajak pules. Jani tiang ngidih tanggung jawab Wayanné. Juang mbok tiangé apang kulawargan tiangé tusing jengah,” kéto pangidihné Kadék Sridadi ajak ipahné. Ia lantas nyiup tuak agelas matimpal kacang goréng. Méméné bareng nugesang pangidih pianakné apang seken-seken I Wayan Oyé nanggungjawabang pagaéné ajak Luh Sri.
Ningeh munyi buka kéto, Wayan Oyé masaut énténg, “Gampang to, Dék. Tiang pasti bertanggung jawab.”
“Yén kéto, mani mulih maitungan ajak reramané. Alihang déwasa lakar nyuang!” méméné Luh Sri milu nimpalin.
Luh Sri mendep dogén. Sakéwala muané masemu sumringah ningeh pasaut I Wayan Oyé buka kéto.
***
“Bapa, Mé, tiang lakar ngantén. Alihang tiang déwasa,” kéto pangidihné I Wayan Oyé ajak reramané.
Ningeh munyi buka kéto, reramané pada girang. Suba uli makélo ngastiti apang pianakné ané muani énggal ngantén, apang énggal ngelah cucu arep.
“Nyén adan demenan Wayanné?” bapané matakon.
“Luh Sri, Pa,” bawak tur dangan pasautné I Wayan Oyé.
“Luh Sri ipahé?” méméné nyekenang.
“Nggih, Mé,” Wayan Oyé masaut lantas nguntul di arep mémé bapané.
Ningeh pasaut buka kéto, muan bapané barak biing. Bibihné makiret, tusing sida mamunyi nang abuku. Méméné ané ladné girang, nylémpoh tan pararapan. 7
Komentar