Van Golden
Van Golden suba biasa tekén gumi Bali. Kawitané maan nyajah Nusantarané. Ia mrasa tekén awakné lebihan tekén ané jajaha. Péh kija-kija ia nyambatang kawitané taén ngetakang Nusantarané. Kayang jani bikasné ento enu masi idup di kenehné.
Ia ngakuné lakar ngalih tetamian kawitané di Bali utawi di Nusantara. Liu tepukina catetan di Welanda indik wangunan ané taén gaéna. Ada bendungan, ada sekolah, ada jembatan, ada jalan yéh utawi kanal turah di Belanda. Ia mrasa mapitulung tekén Nusantarané, sakéwala ngalih untung.
Baan suba biasa ajak tiang, ia nagih meli tanah di Bali. Koné tanahé ento apang adan tiangé anggo krana yén toris uli dura negara tusing dadi meli tanah di Bali. Tiang loba masi meled dadi anak sugih ulian ngadep tanah prajani dadi maklar tanah. Sabilang ada orta ngadep tanah jagjagin tiang. Ada orta ngadep tanah di Karangasem, prajani tiang kema, ada orta ngadep tanah di Klungkung, alah gébrasin tiang kema. Apabuin yén ada ngadep tanah di Ubud, di Sanur, di Kuta, béh tusing ngitungin apabuin, jeg nyrutcut buka bikulé paling, tiang kema. Di kenehé jeg marawat pipisé, kantong, rékening sinah lakar misi.
Sabilang tanah ané tujuhin tiang, tusing kanggoanga. “Béh, énggalan majalan,” kéto tiang ngrieng di keneh. Ia nagih tanah paak ajak pura, apang di bongkol bukité utawi di bongkol gunungé, koné apang pepes maan ningehang munyin gentan pamangku. “Péh, magenepan panagihné I Golden. Maan dogén mréntah.” Sedeng melaha ada tanah paak ajak pura, buina melah tongosné, mara ajak tiang mrika kendel pesan, ia anggut-anggut. Mirib misi buka kenehné.
Uli tanahé ento ngenah gunung Agungé. Ia prajani moto Gunung Agungé. Misi ngrekam. Ia koné lakar ngaé vila. Vilané ento lakar makori Bali. Tusing umah buka di Éropa apang sabilang timpalné uli Belanda teka apang demen, apang kelangen. Lakar ngaé wantilan tongos turis yoga. Jani, yogané lais adep. Magenepan ada yogané. Ada yoga kedék, ngalih kedék anak kéweh, krana tusing sempat kedék, uyak gegaén ngalih pipis. Kanti ngedékin awak dogén tusing sempat, kalingké ngedékin anak lén. Iju ngalih pipis. Yoga kedék lakar urukanga masi. Lénan tekén yoga-yoga ané suba biasa. Suud yoga, lakar ajaka muspa, lakar ajaka matirtha, spiritual tourism, kéto koné. Lakar alihanga sulinggih ané bisa mabasa Inggris. Suud matirtha lakar sirowistaina. Sinah lakar lega timpal-timpalné uli Éropa. Umah ngelah di Bali, pipis maan di Bali. Apa-apa gaé uli Bali, lakar énggal kaloktah. Van Golden ngorahang Baliné ento dadi branding.
Saja pesan, I Golden ngaé vila. Tiang demen krana maan kritis-kritisan. Uli ané ngelah tanahé maan tiang abedik. Uli pemborongé maan masi. Pemborongé uli Jawa. Buruhné makejang uli Jawa. Tusing ada uli Bali. Koné apang énggalan pragat. Yén tukang uli Bali, liunan liburné, koné makelo mancan pragat. Yén uli Jawa, peteng enu magaé. Yén uli Bali, mara sanja dogén suba magampil-gampil. Tiang dong tusing nyangetang gati. Anak I Golden ngelah pipisé. Di kénkéné orahina tiang ngalihang tuak akempu. Tuak ané asli uli jakané. Tusing nyak tuak magancuh apang seger suud matuakan. Yén di Éropa, ia ngaku nginem anggur. Yén saja apa tusing, tiang nyautin baan kenyem. Mirib basangné suba biasa ajak ané lalah-lalah, pésan gurami masi demenina. Beliang tiang petang bésik. Ada anang dadua telah baana, kanti diis-diis naang lalah. Tiang kenyem-kenyem mabalih déwékné. Bibihné barak naanang kebus tabiané. Suba orahin bedikin naar pésan, masi tusing guguna.
Pragat vilané, saja liu torisé kema. Magenepan gobané. Ada tua, ada bajang, ada ané méhméhan énggal ka guminé wayah. Misi nyambatang apang mati di Bali apang maan abénanga, maruntutin baan munyin angklung, apang ada koné ané nembangin. Sajan jelema toris magenepan tagiha.
Wantilan ané suba suud maplaspas prajani dadianga tongos yoga. Saja yoga kedék ané demenina. Ada guruné uli Éropa, koné suba biasa ngaé anak kedék. Kedék gaén-gaénan. Ada kedék ngakak, ada kedék misi ngeling, ada kedék misi nyerit. Ada mlaib kadada-kadiding, ada mlaib ka bucun wantilané misi kedék ingkél-ingkél. Tiang bareng kedék. Ngedékin anak kedék.
Sagét ada ané enu bajang rasaang tiang, jeg nglénté ngigel, nganggo celana dalem dogén lantas kriak-kriak buka anak karauhan. Lantas makecos ka purané. Tiang jani paling. Orahin tiang kramané ada toris malalung ka pura. kulkulé bulus, juka torisé. Ramé ané moto kanti viral. Liu ané nakonang ngujang dadi toris kakéto ngebekin gumi Baliné jani? Ngujang tusing buka toris-torisé ipidan? Barés buina ngidep awakné. Tiang tusing bisa nyautin. Depdepang tiang kramané. Idihang tiang pelih. Nyak polos kramané. Mantas orahina ngaénang banten prayascita lan durmanggala apang tusing cemer purané.
Mirib suba inget tekén awakné, ajaka tekén van Golden torisé ento ka pura muspa, nunas pangampura, makamben buka anak Bali. Tiang ngrimik di keneh, “Miiiih jegég pesan. Sina nyak dadi anak Bali? Sina nyak ajak tiang?”
Kaukina tiang tekén van Golden, “Mai! Dandan jebos I Valéntin.”
Tangkah tiangé runtag, matakut bani. Paningalan tiangé tusing makijepan nelektekang jegégné I Valéntin. Seledétina tiang tekén van Golden. “Mani ajaka ka gria nunas déwasa ngantén.” Van Golden mamunyi sinambi kenyem sada éwér. Tiang mapi-mapi tusing ningeh. 7
Baan suba biasa ajak tiang, ia nagih meli tanah di Bali. Koné tanahé ento apang adan tiangé anggo krana yén toris uli dura negara tusing dadi meli tanah di Bali. Tiang loba masi meled dadi anak sugih ulian ngadep tanah prajani dadi maklar tanah. Sabilang ada orta ngadep tanah jagjagin tiang. Ada orta ngadep tanah di Karangasem, prajani tiang kema, ada orta ngadep tanah di Klungkung, alah gébrasin tiang kema. Apabuin yén ada ngadep tanah di Ubud, di Sanur, di Kuta, béh tusing ngitungin apabuin, jeg nyrutcut buka bikulé paling, tiang kema. Di kenehé jeg marawat pipisé, kantong, rékening sinah lakar misi.
Sabilang tanah ané tujuhin tiang, tusing kanggoanga. “Béh, énggalan majalan,” kéto tiang ngrieng di keneh. Ia nagih tanah paak ajak pura, apang di bongkol bukité utawi di bongkol gunungé, koné apang pepes maan ningehang munyin gentan pamangku. “Péh, magenepan panagihné I Golden. Maan dogén mréntah.” Sedeng melaha ada tanah paak ajak pura, buina melah tongosné, mara ajak tiang mrika kendel pesan, ia anggut-anggut. Mirib misi buka kenehné.
Uli tanahé ento ngenah gunung Agungé. Ia prajani moto Gunung Agungé. Misi ngrekam. Ia koné lakar ngaé vila. Vilané ento lakar makori Bali. Tusing umah buka di Éropa apang sabilang timpalné uli Belanda teka apang demen, apang kelangen. Lakar ngaé wantilan tongos turis yoga. Jani, yogané lais adep. Magenepan ada yogané. Ada yoga kedék, ngalih kedék anak kéweh, krana tusing sempat kedék, uyak gegaén ngalih pipis. Kanti ngedékin awak dogén tusing sempat, kalingké ngedékin anak lén. Iju ngalih pipis. Yoga kedék lakar urukanga masi. Lénan tekén yoga-yoga ané suba biasa. Suud yoga, lakar ajaka muspa, lakar ajaka matirtha, spiritual tourism, kéto koné. Lakar alihanga sulinggih ané bisa mabasa Inggris. Suud matirtha lakar sirowistaina. Sinah lakar lega timpal-timpalné uli Éropa. Umah ngelah di Bali, pipis maan di Bali. Apa-apa gaé uli Bali, lakar énggal kaloktah. Van Golden ngorahang Baliné ento dadi branding.
Saja pesan, I Golden ngaé vila. Tiang demen krana maan kritis-kritisan. Uli ané ngelah tanahé maan tiang abedik. Uli pemborongé maan masi. Pemborongé uli Jawa. Buruhné makejang uli Jawa. Tusing ada uli Bali. Koné apang énggalan pragat. Yén tukang uli Bali, liunan liburné, koné makelo mancan pragat. Yén uli Jawa, peteng enu magaé. Yén uli Bali, mara sanja dogén suba magampil-gampil. Tiang dong tusing nyangetang gati. Anak I Golden ngelah pipisé. Di kénkéné orahina tiang ngalihang tuak akempu. Tuak ané asli uli jakané. Tusing nyak tuak magancuh apang seger suud matuakan. Yén di Éropa, ia ngaku nginem anggur. Yén saja apa tusing, tiang nyautin baan kenyem. Mirib basangné suba biasa ajak ané lalah-lalah, pésan gurami masi demenina. Beliang tiang petang bésik. Ada anang dadua telah baana, kanti diis-diis naang lalah. Tiang kenyem-kenyem mabalih déwékné. Bibihné barak naanang kebus tabiané. Suba orahin bedikin naar pésan, masi tusing guguna.
Pragat vilané, saja liu torisé kema. Magenepan gobané. Ada tua, ada bajang, ada ané méhméhan énggal ka guminé wayah. Misi nyambatang apang mati di Bali apang maan abénanga, maruntutin baan munyin angklung, apang ada koné ané nembangin. Sajan jelema toris magenepan tagiha.
Wantilan ané suba suud maplaspas prajani dadianga tongos yoga. Saja yoga kedék ané demenina. Ada guruné uli Éropa, koné suba biasa ngaé anak kedék. Kedék gaén-gaénan. Ada kedék ngakak, ada kedék misi ngeling, ada kedék misi nyerit. Ada mlaib kadada-kadiding, ada mlaib ka bucun wantilané misi kedék ingkél-ingkél. Tiang bareng kedék. Ngedékin anak kedék.
Sagét ada ané enu bajang rasaang tiang, jeg nglénté ngigel, nganggo celana dalem dogén lantas kriak-kriak buka anak karauhan. Lantas makecos ka purané. Tiang jani paling. Orahin tiang kramané ada toris malalung ka pura. kulkulé bulus, juka torisé. Ramé ané moto kanti viral. Liu ané nakonang ngujang dadi toris kakéto ngebekin gumi Baliné jani? Ngujang tusing buka toris-torisé ipidan? Barés buina ngidep awakné. Tiang tusing bisa nyautin. Depdepang tiang kramané. Idihang tiang pelih. Nyak polos kramané. Mantas orahina ngaénang banten prayascita lan durmanggala apang tusing cemer purané.
Mirib suba inget tekén awakné, ajaka tekén van Golden torisé ento ka pura muspa, nunas pangampura, makamben buka anak Bali. Tiang ngrimik di keneh, “Miiiih jegég pesan. Sina nyak dadi anak Bali? Sina nyak ajak tiang?”
Kaukina tiang tekén van Golden, “Mai! Dandan jebos I Valéntin.”
Tangkah tiangé runtag, matakut bani. Paningalan tiangé tusing makijepan nelektekang jegégné I Valéntin. Seledétina tiang tekén van Golden. “Mani ajaka ka gria nunas déwasa ngantén.” Van Golden mamunyi sinambi kenyem sada éwér. Tiang mapi-mapi tusing ningeh. 7
Olih:
IBW Widiasa Kenitén
Komentar