Bulan Makalangan
Bulan makalangan, Dadua nyunarin taman smara loka bukit nirwana. Sajaké ento tulis bli, dugasé iraga malali ka Taman Ujung. Suud nulis beli ngenjuhin tiang. Makenyem tiang maca. Kadaut baan meled nawang artinné, tiang ngorahin apang beli nelatarang.
“Taman smara lokané, tamané dini,” banban beli nelatarang.
“Bulané?” Aji patakon, sing marasa, tiang nyelag.
“Iraga.”
“Iraga?”
“Aa. Iraga.”
“Iraga kadén jalema?”
Aji kenyem beli nimbalin patakon tiangé ento. Yén kénkén kadén unduké, di keneh nadaksara tiang ngraos. Soléh gati anaké ané dadi pangawi. Jalema andéanga bulan.
“Dadi bengong?”
Patakon beliné totonan ngesiabang tiang. Makesiabé ngranaang uli bibih tiangé makeplos pasaut, “Yén tiang upamiang beli bulan, ragan beliné masi, kénkén rupan bulané?”
“Jegég lan bagus.”
“Jegég lan bagus?”
Beli nyautin patakon tiangé aji anggutan maimbuh kenyem.
“Ada bulan jegég lan bagus?”
“Ada.”
“Di langité?”
“Sing.”
“Men, dija ada?”
“Dini, di muncuk Bukit Nirwanané. Bulané dadua. Ngelah adan.”
“Dadua? Ngelah adan? Nyén adané?”
“Luh Éka Putri Gayatri ajak Putu Baskara Dirgayusa.”
Yén kénkén kadén unduké, di keneh tiangé nadaksara metu ida-idu nyandén ragan beliné.
“Wiréh makelon bulanné makalangan tuah limolas lemeng, tiang nyeh bulané ané dadua ento mapasahan.”
“Nyén masahang?”
“Sing nyén.”
“Men, apa masahang?”
“Peteng tilemé.”
Makenyem beli nampi raos tiangé ento. Suud nlektekang, beli nyemak pulpén lan kertas uli tas ané nyodog di samping kébot beliné. Aji pulpén anés suba gamel beli, liman beliné nulisin kertas ané kebatang beli di paan tiangé.
“Baca ané suba tulis tiang di kertasé ténénan,” beli ngorahin tiang sarwi ngenjuhin kertas ané misi tulisan. Jemak tiang kertasé. Baca tiang: bulan di langité bisa dogén kéto. Bulané dini sing lakar kéto. Di langité ada tilem. Dini sing ada. Jumah tiangé ada.
“Jumah beliné ada? To artinné, ditu lakar masahang iraga.” Sing asén tiang lengkarané ento marunutan sambat tiang.
“Tilemé ditu sing masahang. Tilemé ditu ngraketang iraga.”
“Sing ada unduk kéto.”
“Wiréh tilemé ditu marupa jatma.”
“Marupa jatma? Dadi soléh?”
“Sing soléh. Tilemé ditu maadan.”
“Maadan? Nyén adané?”
“Dadong Tilem Suriati.”
Kedék tiang ningeh raos beliné ento. Dadong Tilem Suriati, dadong beliné. Ané nglekadang bapan beliné. Dadong Tilem Suriati nyayangang tiang. Di arep beliné taén mapangidih kapining tiang, apang tiang aidupan ngayahin ragan beliné.
Pangawit tiang sing nawang ané makada dadong beliné nyayangang tiang. Kenehé nakonang, nanging sing juari. Baan meled nawang ngwanénang awak tiang ngorahin beli apang nakonang. Telung bulan di subané tiang ngorahin beli, mara tiang nawang. Nawang, ulian beli ngaba potrékané Dadong Tilem Suriati masanding ajak dadong tiangé mabaju sekolahan Sekolah Kepandaian Putri di Buléléng. Potrékan ané aba beli ento sing ada jumah tiangé.
Nlektekang potrékan dadong tiangé, ngembeng-ngembeng yéh paningalané. Nlektekang potrékan dadong tiangé, tiang marasa ngelah nyama kembar.
Di malaliné ka Bukit Nirwana buin pang patné beli ngorahang lakar ka Prancis. Lakar nglanturang S3 kema. Tiang sing bani nemalangin. Apabuin sing maang. Kala ento tiang inget, iraga taén ngucapang semaya, sing dadi mialangin yén sinalih tunggil ngorahang lakar nglanturang kuliah. Utawi nglanturang pendidikan matetujon nincapang karir. Kala ento, pangidih tiangé, dadua kapining beli. Sa, di kapah-kapahé apang beli nélpun tiang uli ditu. Dua, sumangdéna beli jemet malajah, apang énggal maan gelar doktor. Ada pangidih lén ané lakar sambat tiang. Sakéwala buung, yadiastun suba ada di muncuk layahé. Tiang nyeh, yén ngorahang, beli nyautin aji, “Duang tiban matunangan nu dogén sing percaya. Nu dogén sangsaya.”
Abulan nongos di Paris, beli nélpun tiang. Beli ngorahang malali ka Kastil Versailles. Kastilé ento, ipidan istana Raja Louis XVI. Kastilé ento, ipidan tongos jenek Raja Louis XVI. Kastilé ento, ngangobin tur nglangenin gati. Tongos pasirepané Raja Louis XVI liu pesan anak dot nyelepin. Lénan tekén ento, ada buin anaké dot nyelepin: Hall of Mirror.
Duang kilo méter johné uli ditu, ada buin Kastil. Kastilé tongos jenek Ratu Marie Antoinnete. Ané ngranaang genahné Ratu Marie Antoinnete majohan tekén genahné Raja Louis XVI, koné Ida sing tresna kapining rabinné: Raja Louis XVI.
Di Kastil Versailles, di télpuné beli nyambat, ada taman. Linggahné 100 héktar. Ané ngwangun Andre Le Notre.
Buin abulané, buin beli nélpun. Beli ngorahang malali ka Le Pont Mirabeau ané artinné Jembatan Mirabeau. Di duur jembatané ento beli majujuk sarwi nlektekang yéh Tukad Seine-né membah. Adéng gati embahan tukadé. Nadaksara marawat, kéto beli nélpun, sajakné Guillaume Apollinaire. Sajak ané mamurda Le Pont Mirabeau. Sajak ané nyeritaang tresna. Tresna ané sing lantur. Sing lantur ulian pegat utawi kapegatang.
“Dumogi tresnan iragané langgeng kanti kawekas,” kéto beli kisi-kisi di télpuné pinaka panguntat raos. Tiang nyautin aji kenyem lan anggutan, satondén kisi-kisi, “Dumogi, Beli, dumogi.”
Telung bulan nongos di Paris, buin beli nélpun. Beli ngorahang malali ka Menara Eiffel. Anaké ngantré lakar menék ka muncukné liu gati. Antréané lantang lémad. Beli ngorahang kanti telung jam ngantiang. Tegeh muncukné, kéto beli ngorahang di télpuné, 274 méter. Yén besikang ajak anténané tegehné 324 méter.
Makenyem tiang dugas beli ngorahang, “Gelek-gelek nepukin anak luh ajak anak muani, suud nginem sampanye madiman.”
Kedék tiang ningeh lanturan raos beliné.
“Soléh. Dugasé ento, marawat tiang ajak luh ané madiman.”
Kruna madimané ngranaang tiang sing dadi masaré petengné. Ané ngranaang, marawat setata dugasé iraga majalan mulih uli mabalih Sang Hyang Dedari di Art Centre. Dugas ento ujan bales. Liman beliné ané kébot ngisi pajeng. Liman beliné ané kenawan ngelut palan tiangé. Teked di tengah gangé ané nyujur umah tiangé. Beli ngorahin tiang marérén. Kisi-kisi beli mapangidih apang beli baang tiang niman. Tiang maanggutan. Di subané saling tlektekang, bibih iragané atep. Munyin ujané nepén pajengé, rasaang tiang tan péndah munyin smara pagulingan nabuhang smarandana.
Nedeng glayah-glayah di baléné, beli nélpun tiang. Beli ngorahang suba ada di Sauternes wawengkon Bordeaux. Tongos Suternesé, delod Bordeaxé. Di Sauternes ada kebun anggur. Linggah gati. Lénan tekén kebun anggur, ada wewangunan tongos ngaé wine. Wewangunané ento adané Chateau. Chateauné ento, koné, ada ané kawangun dugas abad 15. Ditu beli maan nyicipin wine.
“Manis gati rasané,” kisi-kisi beli ngorahin tiang, “sakéwala nu manisan kenyem Luhé.”
Buin amingguné, tiang nélpun beli. Ané takonang tiang Chateau La Louviere ajak Chateau de Rayne Vigneau.
“Dadi Luh nawang?” Beli mabalik matakon.
“Ada ngorahin.”
“Nyén ngorahin?”
“Pokokné ada.”
“Anak muani apa anak luh?”
“Béh, beli cemburu ceritané né?”
“Sanget gati cemburun beliné puk.”
“Buku unduk Prancis.”
“Dija maan?”
“Di perpustakaan sekolahané.”
Ngon tiang ningeh cacep pesan beli nelatarang ané takonang tiang. Keneh tiangé lakar suud nélpun. Sakéwala buung. Patakon beliné ané ngranaang, “Tawang Luh Cateau La Louviere ané tongosné di Pessac-Leognan, kebun anggur tongosné majujuk, warsa kuda kawangun?”
“Sing.”
“Warsa 1310.”
“Dadi patuh tekén tanggal lan bulan palekadan tiangé?”
“O saja. Luh lekad tanggal telulas Oktober. Yén kéto …”
“Yén kéto kénkén?”
“Tiang mula majatu karma ajak ragan Luhé.”
“Prét kateprét bruuuut.”
Kedék beli ningeh pasaut tiangé.
Sing karasa atiban galahé majalan. Petékin tiang kartu pos ané kirim beli liunné nenem. Ada misi gambaran rurung cupit apit wewangunan kota Montpeller. Ada misi gambaran Musee des Confluences. Ada misi gambaran Port de Cannes. Ada misi gambaran isin Musee Miniature et Cinema. Ada misi gambaran telaga, nglangi di duurné angsa apacek. Di durin kartu posé ento misi sajak: Bulan makalangan, dadua. Mabesikan telaga Asmara Loka.
Kartu posé ento, telekepang di tangkahé sarwi ngrawatang: tiang, beli, langgeng mabesikan. 7
“Bulané?” Aji patakon, sing marasa, tiang nyelag.
“Iraga.”
“Iraga?”
“Aa. Iraga.”
“Iraga kadén jalema?”
Aji kenyem beli nimbalin patakon tiangé ento. Yén kénkén kadén unduké, di keneh nadaksara tiang ngraos. Soléh gati anaké ané dadi pangawi. Jalema andéanga bulan.
“Dadi bengong?”
Patakon beliné totonan ngesiabang tiang. Makesiabé ngranaang uli bibih tiangé makeplos pasaut, “Yén tiang upamiang beli bulan, ragan beliné masi, kénkén rupan bulané?”
“Jegég lan bagus.”
“Jegég lan bagus?”
Beli nyautin patakon tiangé aji anggutan maimbuh kenyem.
“Ada bulan jegég lan bagus?”
“Ada.”
“Di langité?”
“Sing.”
“Men, dija ada?”
“Dini, di muncuk Bukit Nirwanané. Bulané dadua. Ngelah adan.”
“Dadua? Ngelah adan? Nyén adané?”
“Luh Éka Putri Gayatri ajak Putu Baskara Dirgayusa.”
Yén kénkén kadén unduké, di keneh tiangé nadaksara metu ida-idu nyandén ragan beliné.
“Wiréh makelon bulanné makalangan tuah limolas lemeng, tiang nyeh bulané ané dadua ento mapasahan.”
“Nyén masahang?”
“Sing nyén.”
“Men, apa masahang?”
“Peteng tilemé.”
Makenyem beli nampi raos tiangé ento. Suud nlektekang, beli nyemak pulpén lan kertas uli tas ané nyodog di samping kébot beliné. Aji pulpén anés suba gamel beli, liman beliné nulisin kertas ané kebatang beli di paan tiangé.
“Baca ané suba tulis tiang di kertasé ténénan,” beli ngorahin tiang sarwi ngenjuhin kertas ané misi tulisan. Jemak tiang kertasé. Baca tiang: bulan di langité bisa dogén kéto. Bulané dini sing lakar kéto. Di langité ada tilem. Dini sing ada. Jumah tiangé ada.
“Jumah beliné ada? To artinné, ditu lakar masahang iraga.” Sing asén tiang lengkarané ento marunutan sambat tiang.
“Tilemé ditu sing masahang. Tilemé ditu ngraketang iraga.”
“Sing ada unduk kéto.”
“Wiréh tilemé ditu marupa jatma.”
“Marupa jatma? Dadi soléh?”
“Sing soléh. Tilemé ditu maadan.”
“Maadan? Nyén adané?”
“Dadong Tilem Suriati.”
Kedék tiang ningeh raos beliné ento. Dadong Tilem Suriati, dadong beliné. Ané nglekadang bapan beliné. Dadong Tilem Suriati nyayangang tiang. Di arep beliné taén mapangidih kapining tiang, apang tiang aidupan ngayahin ragan beliné.
Pangawit tiang sing nawang ané makada dadong beliné nyayangang tiang. Kenehé nakonang, nanging sing juari. Baan meled nawang ngwanénang awak tiang ngorahin beli apang nakonang. Telung bulan di subané tiang ngorahin beli, mara tiang nawang. Nawang, ulian beli ngaba potrékané Dadong Tilem Suriati masanding ajak dadong tiangé mabaju sekolahan Sekolah Kepandaian Putri di Buléléng. Potrékan ané aba beli ento sing ada jumah tiangé.
Nlektekang potrékan dadong tiangé, ngembeng-ngembeng yéh paningalané. Nlektekang potrékan dadong tiangé, tiang marasa ngelah nyama kembar.
Di malaliné ka Bukit Nirwana buin pang patné beli ngorahang lakar ka Prancis. Lakar nglanturang S3 kema. Tiang sing bani nemalangin. Apabuin sing maang. Kala ento tiang inget, iraga taén ngucapang semaya, sing dadi mialangin yén sinalih tunggil ngorahang lakar nglanturang kuliah. Utawi nglanturang pendidikan matetujon nincapang karir. Kala ento, pangidih tiangé, dadua kapining beli. Sa, di kapah-kapahé apang beli nélpun tiang uli ditu. Dua, sumangdéna beli jemet malajah, apang énggal maan gelar doktor. Ada pangidih lén ané lakar sambat tiang. Sakéwala buung, yadiastun suba ada di muncuk layahé. Tiang nyeh, yén ngorahang, beli nyautin aji, “Duang tiban matunangan nu dogén sing percaya. Nu dogén sangsaya.”
Abulan nongos di Paris, beli nélpun tiang. Beli ngorahang malali ka Kastil Versailles. Kastilé ento, ipidan istana Raja Louis XVI. Kastilé ento, ipidan tongos jenek Raja Louis XVI. Kastilé ento, ngangobin tur nglangenin gati. Tongos pasirepané Raja Louis XVI liu pesan anak dot nyelepin. Lénan tekén ento, ada buin anaké dot nyelepin: Hall of Mirror.
Duang kilo méter johné uli ditu, ada buin Kastil. Kastilé tongos jenek Ratu Marie Antoinnete. Ané ngranaang genahné Ratu Marie Antoinnete majohan tekén genahné Raja Louis XVI, koné Ida sing tresna kapining rabinné: Raja Louis XVI.
Di Kastil Versailles, di télpuné beli nyambat, ada taman. Linggahné 100 héktar. Ané ngwangun Andre Le Notre.
Buin abulané, buin beli nélpun. Beli ngorahang malali ka Le Pont Mirabeau ané artinné Jembatan Mirabeau. Di duur jembatané ento beli majujuk sarwi nlektekang yéh Tukad Seine-né membah. Adéng gati embahan tukadé. Nadaksara marawat, kéto beli nélpun, sajakné Guillaume Apollinaire. Sajak ané mamurda Le Pont Mirabeau. Sajak ané nyeritaang tresna. Tresna ané sing lantur. Sing lantur ulian pegat utawi kapegatang.
“Dumogi tresnan iragané langgeng kanti kawekas,” kéto beli kisi-kisi di télpuné pinaka panguntat raos. Tiang nyautin aji kenyem lan anggutan, satondén kisi-kisi, “Dumogi, Beli, dumogi.”
Telung bulan nongos di Paris, buin beli nélpun. Beli ngorahang malali ka Menara Eiffel. Anaké ngantré lakar menék ka muncukné liu gati. Antréané lantang lémad. Beli ngorahang kanti telung jam ngantiang. Tegeh muncukné, kéto beli ngorahang di télpuné, 274 méter. Yén besikang ajak anténané tegehné 324 méter.
Makenyem tiang dugas beli ngorahang, “Gelek-gelek nepukin anak luh ajak anak muani, suud nginem sampanye madiman.”
Kedék tiang ningeh lanturan raos beliné.
“Soléh. Dugasé ento, marawat tiang ajak luh ané madiman.”
Kruna madimané ngranaang tiang sing dadi masaré petengné. Ané ngranaang, marawat setata dugasé iraga majalan mulih uli mabalih Sang Hyang Dedari di Art Centre. Dugas ento ujan bales. Liman beliné ané kébot ngisi pajeng. Liman beliné ané kenawan ngelut palan tiangé. Teked di tengah gangé ané nyujur umah tiangé. Beli ngorahin tiang marérén. Kisi-kisi beli mapangidih apang beli baang tiang niman. Tiang maanggutan. Di subané saling tlektekang, bibih iragané atep. Munyin ujané nepén pajengé, rasaang tiang tan péndah munyin smara pagulingan nabuhang smarandana.
Nedeng glayah-glayah di baléné, beli nélpun tiang. Beli ngorahang suba ada di Sauternes wawengkon Bordeaux. Tongos Suternesé, delod Bordeaxé. Di Sauternes ada kebun anggur. Linggah gati. Lénan tekén kebun anggur, ada wewangunan tongos ngaé wine. Wewangunané ento adané Chateau. Chateauné ento, koné, ada ané kawangun dugas abad 15. Ditu beli maan nyicipin wine.
“Manis gati rasané,” kisi-kisi beli ngorahin tiang, “sakéwala nu manisan kenyem Luhé.”
Buin amingguné, tiang nélpun beli. Ané takonang tiang Chateau La Louviere ajak Chateau de Rayne Vigneau.
“Dadi Luh nawang?” Beli mabalik matakon.
“Ada ngorahin.”
“Nyén ngorahin?”
“Pokokné ada.”
“Anak muani apa anak luh?”
“Béh, beli cemburu ceritané né?”
“Sanget gati cemburun beliné puk.”
“Buku unduk Prancis.”
“Dija maan?”
“Di perpustakaan sekolahané.”
Ngon tiang ningeh cacep pesan beli nelatarang ané takonang tiang. Keneh tiangé lakar suud nélpun. Sakéwala buung. Patakon beliné ané ngranaang, “Tawang Luh Cateau La Louviere ané tongosné di Pessac-Leognan, kebun anggur tongosné majujuk, warsa kuda kawangun?”
“Sing.”
“Warsa 1310.”
“Dadi patuh tekén tanggal lan bulan palekadan tiangé?”
“O saja. Luh lekad tanggal telulas Oktober. Yén kéto …”
“Yén kéto kénkén?”
“Tiang mula majatu karma ajak ragan Luhé.”
“Prét kateprét bruuuut.”
Kedék beli ningeh pasaut tiangé.
Sing karasa atiban galahé majalan. Petékin tiang kartu pos ané kirim beli liunné nenem. Ada misi gambaran rurung cupit apit wewangunan kota Montpeller. Ada misi gambaran Musee des Confluences. Ada misi gambaran Port de Cannes. Ada misi gambaran isin Musee Miniature et Cinema. Ada misi gambaran telaga, nglangi di duurné angsa apacek. Di durin kartu posé ento misi sajak: Bulan makalangan, dadua. Mabesikan telaga Asmara Loka.
Kartu posé ento, telekepang di tangkahé sarwi ngrawatang: tiang, beli, langgeng mabesikan. 7
Olih:
IDK Raka Kusuma
Komentar